謠言

曾經有前輩跟我說過:「要避免閒言閒語, 就要跟異性crew 保持適當距離, even 只係過去按對方既門鐘, 然後晌門檻前講兩句都可免則免。」

好似好跨張
但工作於女人堆
你真不能低估謠言的散播速度和做謠者的歪曲能力
一傳十, 十傳萬, 由魚翅傳去趕龍, 由空服傳去地勤從而傳遍整個航空業

剛剛親身經歷一個謠言的可怕性
一個月前聽過的謠言跟一個月後回傳的版本
已被嚴重篡得體無完膚

Version 1.0: 一男一女純粹 Share Room
Version 4.0: 群 P

其實個世界好細

雖則有成萬個 crew
但其實呢個就係阿邊個邊個個同學, 而個個竟然係阿邊個邊個個男朋友
謠言兜兜轉轉又傳返唻自己耳邊

只係更具驚嚇性

加鹽加醋者真係冇陰公
女仔 reputation 好緊要 ga ma….

為求繼續毒出國際
我都係自己一個人食燭光晚餐算

許願池又維修

去唔到許願池扮陳慧珊
唯有去鬥獸場頂住先

---------------------------------------------------------------------

由羅馬回港時
遇著一對好 considerate 既香港情侶
當有一家人將三個 overweight 既行李箱拎上機既時候
呢 pair 正義既朋友已經即刻幫我開聲

派餐時
佢地晌我開聲問食咩之前已經先溫好 menu, 零秒搶答!!
外加一句: 慢慢唻, 我地唔急~

晌 rest 時
佢地行入 galley 拎野飲拎 snacks, instead of 叮我出去

原本呢班機真係好惡做, 做到我妝溶髮甩
別以為你們的舉動微不足道, 事實上你們已經幫了我一大把

好滾動
如果可以寫 compliment letter 比乘客
我一定會狠狠地高度表揚佢地!!

<空姐光環?>

周遊列國
面書貼滿各國名勝的照片
錢包裡塞滿各國的貨幣
Tailor Made 的火紅制服
拖著行李箱由家門挺胸收腹走到巴士站的十分鐘, 是場Fashion Show
風流工, 媽媽當餐廳侍應的總工時是我的三倍, 但薪水卻只有我一半
吃盡神級美食
看盡最美最美的風景

是的, 因為得到這份工作我樂透了
能加入最佳航空公司
得到一份福利好的 Dream Job
大概是我讓座一百次後修來的福氣

但

這份工作將遠距離的關係拉得更遠
飛到歐洲, 把我們原本兩小時的時差再倍大四倍
酒店房內微弱的 WIFI 信號讓啟動 Skype 的機會都沒有

食得咸魚抵得渴
我並不打算因為得到這份工作而失去你
只希望我能夠乘工作之便有更多的機會飛到袋鼠國
然後期待你放假時, 用一折機票與你看世界

<喂~~哥哥仔, 夠鐘起身做野啦~~>

七月流流
等我分享一個 in-flight 鬼故啦
如有雷同, 實屬不幸呀下

呢件事發生晌 Boeing 777 既 crew rest area
話說該班係一班長途嚇機
當一班 crew 比長途客喪 chur 杯麵, 杯麵同杯麵之後..
已經攰到不行既 Peter (假名)
Crew Rest 時拿拿臨奔去 Crew Bunk 訓覺

正當 Peter 好夢正酣之際
突然夢到背景同樣係 Crew Bunk, 但出現一位身穿黃外冷外套, 頭髮花白既女士叫佢：「唔好訓啦, 夠鐘起身做野啦~~」
Peter 真係比呢個夢整醒左,
Peter：「好彩…原來發夢…」

雖然距離 Crew Rest 完結仲有 45 分鐘
但 Peter 都決定放棄睡眠, 梳洗完再返 Galley 工作

晌 Galley, Peter 遇到另一位係同批休息既 crew Amy (假名)
Amy：「咦? 咁早落唻既你?」
Peter：「係呀..唉..發惡夢呀..」
Amy：「我都係呀!!你見到咩呀?講唻聽下!!」
Peter：「我發夢見到有個著黃色冷衫, 白頭髮既婆婆叫我起身, 唔準再訓」
Amy：「我都夢到呢個阿婆...!!」

無獨有偶, 細問之下..
原來當日有幾個 crew 都發埋同一個夢
個個夢到「白頭髮著黃色冷衫既婆婆」

隨住 Crew Rest 既完結, crew 們都陸續返回各自既工作崗位
最後一位離開 Crew Bunk 係日本 crew Ricky san (假名)
Ricky san 面色慘白咁返到 Galley
Peter：「Ricky san, 你冇事丫嗎? 塊面青晒既?」
Ricky san 講發生咩事...

原本 Ricky san 係訓晌 Crew Rest Area 既盡頭,
而由盡頭行到去樓梯口大約十米距離

正當Ricky san 拉埋布簾安睡之時
突然「Knock Knock!!」
有人敲 Ricky San Crew Bunk 旁邊既 Partition
Ricky san 拉開布簾望向走廊…「冇人丫..」
然後拉埋布簾準備再訓既時候
唔
夠
一
秒
!!
「Knock Knock!!」再有人敲個 Partition
拉開布簾再望走廊…一。樣。冇。人。

Ricky san 呢個時候立即秒速執包伏飛奔閃人
--------------------------------------------------------------

間唔中都會聽到師兄師姐分享 Crew Rest Area 既撞鬼經驗
所以每次做 Security Check 既時候我都好驚
(唔知點解, 差唔多十次有十一次我個 Position 都要 Check 埋個Crew Rest Area)
如果咁唔好彩撞見一個唔屬於我認知範圍既物體
我應唔應該扮暈?

P.S.: 其實聽日開始我就 Train 747 同 Airbus, 即係完左個農歷七月先再飛~~無懼~~~~
P.P.S.: 下次分享 In-flight 廁所鬼故
P.P.P.S.: 收到九月個 Roster, 勁靚!!全部 Layover, 一班 Turnaround 都冇!!
P.P.P.P.S.: 最最最最最最最開心係我有班機去澳洲呀!!!!!! 可以見到男朋友丫!!!!!開心跳起 Yeah!

圖片只屬參考, 出處 :http://www.airliners.net/photo/Etihad-Airways/Boeing-777-3FX-ER/1008034/L/ (Bailey, 2006)

<不如你都試下 30 度著羽絨然後晌太陽下曝曬丫？>

就晌以下呢單新聞出街既時候, 剛巧身在新加坡
http://hk.apple.nextmedia.com/realtime/international/20140723/52720817

來到新加坡動物園的時候
我沒想過於一個已發展的文明國家會看見 Inuka
拍攝地點是露天泳池, 當時氣溫 34 度
你地睇下 Inuka, 慘慘豬到..........

親眼所見, Inuka 脖子周邊的確是長滿青苔
http://big5.huaxia.com/zk/sq/00182102.html

原來七年前園方受壓, 「打算過」 Inuka 將送至更適合牠居住的地方
http://www.udnbkk.com/article/2007/0505/article_15760.html

一個沒有冬天的國家 VS 北極熊
對不起, 我看不見保育和歡欣, 我只看見虐畜。

怪力亂神

其實我冇宗教信仰
但一到存亡之秋
就會好想依靠某一種信念

例如: 投考 FA
當考極都考唔到, 已經變得極度冇自信
當終極迷失
當好想有人認同, 但你身邊個個人都唔支持
我選擇左去黃大仙拜神

最終考到 FA, 可能因為:
A) 心理作用
B) 拜得神多自有神庇佑
C) 運氣

拿, 點都好, 我應成左黃大仙既, 我真係有履行承諾架
e.g.: 真心做善事 / 見到人要幫唔準扮睇唔到走左去
準備去拜神既你地, 千其唔好過橋抽板咁衰仔呀下
找數呢家野, 你懂的

如果您在, 只想衷心感激您當日悄悄地幫我一把
p.s.: 我一定會記得還神

----------------------------------------------------------------------

講完神, 講鬼..
聽聞一旦你個 Channel 同鬼搭通過一次
之後就好易經常奶野..
寧可信其有
好似尋晚本來要住日本猛鬼酒店 (承上文, 最後被 pull out 唔洗飛)
我準備左十道護身符, zip 枕頭底啦, 掛晌心口啦, 鎮住塊鏡咁啦..
老子甚麼鬼都...信!!!

聞說同事間有張「猛鬼房號 List」, 我唔敢睇
總之
千其唔好比我見到
千其唔好比我見到
千其唔好比我見到
千其唔好比我見到
千其唔好比我見到
千其唔好比我見到
千其唔好比我見到
千其唔好比我見到
千其唔好比我見到
千其唔好比我見到
我只係一個小薯

始終都避唔過, 下個月仲有班呀呀呀呀呀呀呀!!!!!!!!!!!!!!!!
總之無論如何四個字: 不失霸氣
----------------------------------------------------------------------

正所謂百_成材 (請自行fill in the blank)
第一班機由上機遊魂到落機
結果就比阿姐由 Door 4 鬧到 Door 5 再鬧返去 Door 4

第二班機立即上身
做完班機之後比阿姐讚丫!!!!嚴重沾沾沾沾沾沾沾沾自喜
急速成長呢家野, 只要離開 Training School 既襁褓就會明

我會繼續比心機, 多謝大家
好, 聽日返工, 解散^^^^^^^^^^^^^^^^^^

外站 Layover 必做八件事

瘋狂跑跑步機
瘋狂 fu mask, (頭髮啦, 眼啦, 面啦, 頸啦, 手啦, 腳啦, 手指啦, 腳掌啦)
瘋狂 steaming room (乾濕都得)
瘋狂游水 (with 浮板)
瘋狂 sightseeing
瘋狂 shopping
瘋狂 浸浴
瘋狂 影風景靚相

既然個個都話做 FA 係打風流工, 當然要瘋狂享受外站景點/酒店既樂趣
尋晚終於係我第一班 operate 兼 layover 既機

興奮既我只係奔向酒店對面間百貨公司買杯麵..
然後返房食..然後..訓.....................................
我既外站 layover 必做八件事我竟然一件都冇做過!!!!!!!
理想與現實..

P.S.: 眼見紫菜價位低, 狠狠地大手買入 36 包
比完錢之後, buddy flight 之 buddy 好奇問: 乜你個o急有位咩?
大家都知道「韓國紫菜」唔似得「四洲紫菜」咁內儉
是為一件最輕但又最浪費行李空間既產物
而我今次只係小黑與我……. (即小型行李箱一個, 放完衫褲鞋襪洗面化妝沖涼洗頭毛巾 xikGKYTYTDTDHKKJDnxn 之後已經零空間)
最後我忍痛將兩個陪我飛到唻韓國既「炒麵王」留低異鄉
先勉強質到..........一半
經過今次之後..
我以後都會記得帶 Garment Bag
我以後都會記得帶 Garment Bag
我以後都會記得帶 Garment Bag
我以後都會記得帶 Garment Bag
我以後都會記得帶 Garment Bag
我以後都會記得帶 Garment Bag

尾聲

Training 終於都走到尾聲
後日就要 Operation Flight, 終於都上飛機啦!!!!!!

經過左七星期既 Training, 開始作病喉嚨痛, 真係 last 多一星期都頂唔蒲
眼見病危同學仔, 死頂上堂, 然後上上下堂跑去廁所嘔
好轟烈..只因我地真係承受唔起 Port Sick 既後果
真係 Thanks God 講句「好彩冇病過….」

Training 完得出既結論就係….「都唔係你地講到咁 chur 咁辛苦者…」
返學時間係好長, 地點又好遠, 每朝七半出門口, 要夜晚七半先可以再返返屋企
除左時間長之外, 我地全班一致認為 輕鬆~~

好感激我有一班又乖又勤力又 Supportive 既同學
當個個同學每朝都早 15 分鐘以上安坐課室, 你夠唔夠膽「準時」返到?
當個個同學放學都留晌魚翅城溫書既時候, 你夠唔夠膽走先?
當個個同學都互扮 Trainer 然後恨恨地捉你錯處, 你夠唔夠膽唔溫好書先去練?
好有幸
如果我 Body Check 冇問題
如果我早一個 Induction
我應該會份份卷都不斷 Retest 直到永遠
Blessed to be in this Induction

當然, 我地都有一班錫到我地 lon 既 Trainers,
知道我地考試, 連放假都會特登山長水遠返唻睇我地 (打到呢個位好滾動)
當 Trainers 話「呢班真係乖到好恐怖」’「呢班係我教過咁多年最乖既一班」
值啦!! Play Hard, Work Hard, yayyyyyyyyyyyyyy!!

經過每日 Grooming Check 既震撼教育
我正式宣佈: 世上是沒有 Control 不到的 Baby Hair~
唔該幫幫手寫上 Wikipedia
(有日比 Trainer 捉左落 Staff Room 紮頭髮同落左半支 Hair Gel,
呢個就係用 Hair Gel..冇用 Hair Gel..用 Hair Gel..冇用 Hair Gel..…………既分別)

終於都走到尾聲, 滿滿的感激
我怕我會唔慣呢種極自律既生活 which is 我生活左廿六年都未試過

以後可以分享旅行相啦!! ^^^^^^^^^^^^^^^^^^^^^^^^
但願一直的充滿熱誠, 多謝大家!!

六四有感

曾經我也是一個政治冷感

直至誤打誤撞走入政政學系

然後登記做選民
然後參與遊行集會

然後有機會讓我於政圈走了四年

最精彩的一年, 於立法會見盡政圈政黨政客高低起跌

同時亦讓我對政圈徹底心死

縱然心死, 但六四集會是我唯一的堅持

好想平反, 亦替天安門母親感到好無能為力

香港就是一直的歌舞昇平, 繁華得沒有太多人願意抽空去理解一下政治議題

香港人..有投票權卻不投票, 有集會自由卻不為被囚者發聲..
溫水煮蛙..

8964, 一直悼念

今晚不寫流水帳
如果你突然對呢家野好有 mood,
強烈推薦你睇「無聲吶喊」呢套韓國電影
無力感好重, 但得著極多

國泰面試題目 之 終極分享

lesson learnt........

飛雞的迷思

近日鬧得熱哄哄的短片女主角
據聞同為魚翅同事
有「朋友既朋友」本來今日有幸同女主角一齊飛
惜女主角最後 port sick 收場

以上唔是重點, 只係花生
重點係由於呢段短片, 近日出現【天下飛雞一樣騷】一文
唔知由幾時開始「機艙服務員」被「飛雞」二字取替 -
我們做的是一份正當職業, 我是一名清潔亞嬸, 一名侍應
但絕不是「雞」
每一個行業都難免有害群之馬
佢淫亂唔代表我地都係囉囉囉囉囉囉, 請別把我們歸類

別鄙視我, 我們的確由香港捧餐洗廁所執垃圾到去英美澳加南非德國
但我們是真的靠自己的勞力去看世界
我亦有能力讓從未坐過飛機的兩老買商務客位去他國旅遊, 縱然我買的是「乞衣飛」

我們要當 FA 的原因不一
以我身邊的同學為例
有人想轉工作環境, 有人跳槽, 有人想環遊世界, 有人當終生職業, 有人符碌
小小一個班房, 臥虎藏龍
U grad 生比比皆是, 有台藉同學當完兵讀埋 Master 再唻做空少, 濕碎
前核數師 / 社工 / 老師 / 記者, 有齊
要貪慕虛榮, 邊個會揀做 FA 咁睇唔開?

但願花花世界不會將我們同化
但願一直抱著當初要飛的熱誠
但願我們一直簡單, 做一個出色的「飛傭」~~

睡在機場一點都不委屈

(繼續承繼前文 – 新航歷險記)

早前講到本人有幸流浪至「機場過夜榜第一名」既新加坡樟宜機場
(p.s. 請參考 sleepinginairports.net , 香港國際機場都係三甲之內)
(p.p.s. 高度表揚機場過夜榜)

富貴式流浪
一落機先奔去搵涼沖
根據指示牌去到 T1 的 Rainforest Lounge
Rainforest eh~~~~~~熱帶雨林呀~~~
機場 x 熱帶雨林呀~~是咪好有 fantasy 先!?!?!?!

但沖涼是要比錢的, 盛惠 SIN 10.25
Rainforest Lounge 收新幣 / 英磅 / 澳紙 / YEN
當我好辛苦咁晌身上搜出一堆澳洲神沙比 counter 姐姐時
姐姐冷冷一句: We only take notes
唯有死死地氣拎張 Visa 卡出唻碌囉
(信用卡最後 total charge 我 HKD68, 應該冇附加費, 是抵的)
雖然個名叫熱帶雨林, 但入到浴場係一絲鳥語花香都睇唔到
一。點。都。冇。
說好的熱帶雨林呢.......?

康文署體育館肯定舒服過呢度
事關呢度係冇分男女間 (當然有獨立沖涼房, 但真係好唔自在)
但勝在有毛巾 / 沐浴露 / 洗頭水提供,
呢堆野我神早寄晒倉, 而等候轉機期間係唔洗拎既

沖完個涼,去星巴克歎一杯熱朱力扮完偽中產之後
就搵地方訓

根據指示, 再唻到 Snooze Lounge
Snooze Lounge 係一個位於角落既 open area
一張張既真皮躺椅, 一個個訓得安詳既旅客
張真皮躺椅真係好舒服, 我好快就訓著
每個位既後面又有得插頭比你 charge 電話
幾 considerate~~ 是咪先是咪先!?

不過冷氣好凍, 如各位有意到該地露宿, 敬請謹記自備外套 / 薄毯
就係呢張真皮躺椅將我轉機要呆等六小時既怨念一掃而空
我要打十粒星星比新加坡樟宜機場呀!!!!!!

好啦, 我以後都係唔介意轉機啦~~
女人就係咁_煩

(照片來源: http://betterymagazine.com/news/sleeping-in-airports/)

阿聯酋面試 流程 之 沉默是金

Date back to 9/11/2013

前題講到我衰左 HKE 既三日之後就係我 in Emirates 既大日子

聽聞 Emirates 空姐人工高,
飛一轉淨係賣 Duty Free已經可以賺 HKD$6000 [都市傳聞]
Stay 杜拜, Apartment 有過千呎 [都市傳聞 x2]
夫!復!何!求! 有冇人話比我知究竟是咪真架架架架架架架?

我都有追開幾個 Emirates 師姐既 blog
所以對入 EK 存有一定既 fantasy
Salute to所有成功入到外航既你地
唔好講笑, 外航真係極難 in

面試當日, 大約十點已經到左面試場地
通常本地航空既 Arm Reach standard 都係 208CM
對於身高 163CM 既我, 係游刃有餘 (其實都只係過少少)
而 Emirates 既 Arm Reach standard 係 212CM, 對我唻講頗吃力,
可能我企得衰又天生一副硬骨頭
我頭兩次都掂唔到, 係最後第三次先勉強掂到

然後坐好等叫名, 等既時候 Interviewers 會唻收大家既 CV 同相
In Emirates 係需要帶備證件相 + 全身相 我是冇全身相的…
唔係我唔記得帶, 純粹係因為 no f_c_s are given
呢個係反面教材, 大家千其唔好學

入到房, 大約十五個人圍圈坐
Interviewer 係新加坡人, 簡單 Welcome 完之後就口述題目
題目係: Since this is the first time I’ve been to Hong Kong, I am totally new to Hong Kong foods. What special food would you recommend me to try in Hong Kong?

呢 part 係 Free Talk, 立即開始直到 Interviewer 叫停
根據我過往既投考經驗, 投考 Emirates 既考生平均水準最高
我個 group 連 Native Speaker 都有
一個冇時間 prepare 兼英文底唔夠好既港女
當時就腦袋空白一直沉默至完場
最後我地 Group 只有一個人入到 Second In, 而呢位係 ABC 靚女

所以想投考既朋友, Be Prepared!

In 完出房, 行到去 Lift 口, 終於忍唔住喊
我第一次因為 In 唔到 FA 而喊
「點解我每間連 First In 都過唔到?」
接二連三既失敗, 感覺爛透
心水清既朋友都記得我當時已經遞左辭職信
一時間好迷茫, 好多好多情緒都一下子湧出唻

------------------------------------------------------------

失敗了就是失敗了, 終究要面對現實

職已辭 試已 Fail 既我究竟應該何去何從?
追夢代價極大, 但繼續做自己不喜歡的工作, 更痛苦
思前想後, 最後決定去 Working Holiday
一份可以 1) 擴闊眼界 2) gain CS 經驗 3) 練英文既工
去半年, 然後返香港再考 FA

我知道做FA / Working Holiday 晌好多人心目中既 Image 都好負面
如果勉強要用幾個字概括, 大概是「不腳踏實地」
感激家人對我的支持
亦慶幸屋企唔等我開飯, 冇學債要還

搞掂好 visa, 原本打算三月頭就飛去澳洲
期間晌 Chocolate /Salad 打工過日晨, 拎下 CS 經驗
臨走前算算日子, 原來距離上次 In CX / KA 已經夠半年
最後亦晌好友 magmag 既鼓勵下再一次投考
當時只有一個心態: 唔得就半年後返香港再試囉~~輕鬆~~
可能因為有後路, 所以我今次一D都唔緊張,
亦可能係因為我唔緊張, 今次面試既表現可以晌自己既掌握之中

------------------------------------------------------------

我係有後悔我太遲先夠膽開始追夢 由廿一歲想考拖到廿五先夠膽遞 Form

曾經我覺得要做 FA 同要做太空人一樣 = 冇可能
直到去年七月揭開招職, 見到 CX 有 Recruitment Day
我發現原來夠膽行入呢個門口就會有機會

我好記得有朋友話過我: 你唔係零機會, 只係好微囉!
好!微!囉! 好!微!囉! 好!微!囉! 好!微!囉! 好!微!囉!
好!微!囉! 好!微!囉! 好!微!囉! 好!微!囉! 好!微!囉!
好!微!囉! 好!微!囉! 好!微!囉! 好!微!囉! 好!微!囉! X 2036

感激這小小的微機會
司徒雅甄才有機會乘著夢想起飛, 好好去看這世界

痛苦的轉機

講返搭新航去袋鼠國既經歷，首先我為左貪平，我今次係揀左轉機既...你地都知啦，我咁大個人都係第一次遠行，我真係諗都冇諗過轉機去旅行係咁 hardcore 既一回事。

總之，三個字......冇! 下! 次!

嘩，見到 ZUJI 訂新航 HKD 5600 往返香江 / 袋鼠國，仲平過魚翅既 fanfare，仲可以比我白馬王子 A380 載我遠行。諗左兩秒，買!!!!!!!!!!!!!!!!!

-----------------------------------

短途機 香江 to 星洲
機程 4 小時

我係坐 Economy 3-4-3 既 3，即飛機右排。當時我係坐晌中間，右手邊男士係香江人，左手邊位女士係星洲人。成日都聽到好友 Magmag （同為魚翅空姐一名，BFF，將來文章出現率應該會奇高）訴苦話星洲人難服侍。今日只係坐隔離都領教到....

星洲女任何時間同新航既 staffs 交收時（例如收 nuts / 收熱毛巾 / 派餐 / 還毛巾 / 收餐）佢都是唔會直接遞比個 staffs，而是遞比我的，呢樣其實我覺得只係舉手之勞亦好樂意去幫忙，可能 A380 既 window seat 真係隔條 aisle 好遠遠遠遠遠呢...

派餐時，我遞個餐比佢而佢又接實個餐之後開始望死我（眼尾見到，因為我當時已經同我份飛機餐 interact 緊）一路食一路感覺到個眼神冇放過我，（唔對路）我再望一望佢，原來佢張食飯檯仲未開等緊我幫佢開!!! 整乜鬼你唔一早開定!?! 幫佢開完檯，佢都冇開金口講「唔該」....（我好肯定佢口齒伶俐，因為前排三個位都係佢既屋企人，佢係有開口同佢地講野既）

神來之筆係當大家都食完個飛機餐時，佢突然伸隻手埋唻將我個餐盆轉 90 度，由打橫轉成打直，然後! 再將佢份飛機餐餐盆放埋落我張檯度!!!!!!之後佢就施施然收好張檯然後準備入眠。

我望住面前兩個餐盆呆左，我諗：也許您要睡一睡，也許你望見空服員正開始收餐，也許你知道呢兩個餐盆根本不會阻礙到我看電影。

星尊貴，你知道嗎？方仗(我)份人真係好小器，其實 all I want is your 「唔該」...

不過我對星洲既完美印象係絕對唔會比星尊貴係影響到架!! 新航師姐真係又靚又溫柔體貼又笑得甜...（下冊一千字....）

-
-----------------------------------
時間去到我回程既航機
長途機 袋鼠國 to 星洲
機程 8 小時

由袋鼠國回星洲途中，然後再轉機返香港。到左星洲係 12:30AM..之後要晌機場訓過夜，等到 7:30AM 先可以再上機............唉!! YOLO!! 未訓過機場又點算一個出色既浪子~!? 是咪先是咪先是咪先？

搭長途機塊面同個頭都油淋淋、個口又臭排牙又鞋、條腰又痛、眼又乾鼻腔又乾喉嚨又乾咀唇又乾。

但眼見靚女新航空姐著住件又窄又唔透氣（好似係）既制服、化全妝、然後好 elegant 地"不"雪糕比我食，當我食完之後仲笑得好甜地問我飲唔飲茶（係呀!!!!佢對住我笑呀~~~~~!!!無限心心心心心心）

究竟每個飛天人係點克服無限 long haul 輪迴？（好彩魚翅派雪糕時係成杯派）

新航長途機大發現：

1）會派兩次熱毛巾，當我第一次收到之後就立即撻上塊面熱 fu，但隨即發現隔離位靚仔洋人用唻抹檯....然後我硬係覺得塊面痕痕地....

2）會比對好似襪仔比你，其實我都唔知用唻做乜，我見到隔離個洋人除左對鞋，然後再笠住佢自己本身對襪。嘩!! 即刻跟埋佢除鞋，學佢咁著，我諗對野點都唔會用唻笠手掛?!

國際飄移許可證

為左進一步 maximize 個可移動頻率

國際飄移許可證 done!! yay!!
我係隻冇腳既雀仔 (懶鬼)

國際駕駛執照申請方法:

1) 本港居民及持有有效的香港正式駕駛執照
2) 填妥申請表格 TD51
    (http://www.td.gov.hk/filemanager/common/tdforms/td51%282012.08%29.pdf?formref=TD0-F021)
3) 證件相兩張
4) 國際私家車駕駛執照申請費用為 HKD 80
5) 身分證副本 (郵寄申請者 / 授權他人代辦才需遞交)

國際駕駛執照在簽發日期起計一年內有效

可郵寄申請亦可親身前往各牌照事務處辦理。
郵寄約需十個工作天,
我 walk-in 去只係等左廿分鐘就搞掂晒! yay!

香港快運面試 之 實食冇痴牙(我以為)

Date back to 6/11/2013

當時呢個時間我已經遞左辭職信
我個時去in 之前仲苦惱緊: 死啦, HKE淨係飛來回線, 我究竟做唔做份工好呢~~~~
舊同事冷冷一句劈埋唻: 人地請你先算啦, 人地 HX/ UO 淨係請靚女架咋

O…Noted. 咁即係冇行啦!?
毒_切忌有自信, 我的確 FF 得太多,
照去, 當拎 in FA 經驗

First In:入房前要填 Reference Check 同申請表格(可先晌 HKA 求職頁面下載, 填好痴埋相帶定去更方便~), 大家準備定相一張、學歷及工作經驗副本,

Arm Reach: 女仔要除鞋, 男仔唔洗除鞋, 要過208cm

入到房, 八位 Interviewees, 三位 Interviewers

首先逐個企起身, 每人自我介紹一分鐘
It’s just a piece of cake (我以為)

之後 Interviewers 會比一堆雜物我地,
叫每人揀其中一樣野用普通話 Present 一分鐘
檯面有: 麥當勞茄汁一包﹑木筷子﹑牙籤﹑紙巾一包﹑支裝水一支 (其他唔記得)
我當時揀中左木筷子, 覺得呢個 choice幾易 elaborate
(廉航/成本/清潔工人/木筷子)
It’s just a piece of cake (我繼續以為)

做完普通話 Present 之後又再轉返用英文做 Group Discussion
八個人分成兩組, 即每組四人, Present 時間 6 分鐘

Topic: What are the benefits of low cost carrier and legacy carrier?
始終 HKE 係廉航, 都估到有可能會被問到有關既問題
當時我地組係支持做 legacy carrier 既
面試前都有上網search 下廉航 VS 傳統航空既特點, 背晒 points
我係最尾一個 present, 淨返唔夠 30 秒時間開口,
快快手講多兩個 points 已經夠鐘
It’s just a piece of cake (我繼續以為 x 2036)

之後 Interviewers 就出房傾, 我地就繼續留晌房等運到..
兩分鐘之後, Interviewer 就只係叫左一個人留低
其餘既可以離開

咁當然, 被選中的細路並唔係我
當時既心情就好似比雷劈中咁
跌到落谷底, 負能量漫天飛舞
連行過既花草樹木都會枯死

我以為申請廉航既 FA, 要求會低 D
我以為自己做呢份工係 Over Qualified
我仲以為我自己要煩點樣 reject offer
咪 FF 啦好嗎?

其實我都知道自己有呢 D 諗法真係好錯好錯,
事實上係我自己能力不足, 太自以為是
我最應該做既係檢討自己, 而唔係去埋怨個面試選人制度

不過最灰既事實就係: 連 HKE 都 First In止步

1) ********* 究竟仲有咩 Airline 肯請我? *********
2) ********* 究竟我仲 in 唔 in 落去好!?? *********

腦交戰!

HKE Interview 既三日之後就係我所講既: 沉默是金阿聯酋面試
下回繼續分解

JAL First-in 面試流程 之 鴉雀無聲...............

Date back to 24/9/2013 
日航好似晌 2012 年既 4月 + 7 月都有招募過
當我一見到個 ad, 我就知道: 「媽!!!! 係機會呀!!!!!!!」
你地都知道要等外航請人根本係可遇不可求架啦
唔理, 狗衝 Apply!
Hong Kong Base 既 Crews 係可以唔洗識日文既, 但當然, 識既話會加你五十分


雖然我知道即使有幸成為日航員工, 工作生涯都唔荒好過
四年合約, 早走要賠錢......[傻的嗎!!?????]
[都市傳聞] 階級觀念嚴重, 香港 crews 會經常被日本 Purser hard time [好似係]

我唔理!!!!!!!! 當時恨做空姐恨到發燒既我即刻 apply
去 Interview 之前都有爬下文大約知 JAL 既面試流程
入到房就會幾個人一字排開, 面對四位 Interviewers,
每人自我介紹一分鐘, 如果晌介紹完之後被 Interviewers 點你名問你問題
就代表你有機會入 Second-In, ( 究竟呢個迷思係邊度爆出唻!?!?!?!?!?!?!? )

面試當日, 係晌尖東日航酒店搞既
參與既人數比我想像中多, 目測都有二百人
一開始都係 Arm Reach Test, Minimum reach 都係 208cm.

當我地被叫入房之後, 過程如網上分享一樣六個人一字排開, 面對四位 Interviewers 作自我介紹

當時我排第四
當六位 Interviewees 都介紹完自己之後Interviewers: .....................................................Interviewers: .....................................................
Interviewees:..................................................... (你眼望我眼, 開始尷尬)
Interviewers: .....................................................

--------------------十五秒後--------------------

Interviewer A: No.4, 吃腰變條 Jappppppppppppp pan? (媽呀!!!!我有幸成為被選中的細路呀!!!!)
我: Sorry, I beg your pardon? (日本人英文, 真係聽唔_明)
Interviewer A: I sad, 吃腰變條 Japppp pan? (你講好 d 得唔得呀大佬........)
我: Sorry, I don't understand, Could you please repeat it again?Interviewer A: HAVE YOU BEEN TO JAPAN!!!!!?
我: No, I haven't. (完。!)
Interviewer A: No.2, Have you been to Japan?
被選中的細路二號: No, I haven't. But I want to xxxxxxxx (...下冊一萬字, 英文 x 日文)

呢個時候我已經暗暗苦笑, 阿姐呀, 你邊有可能只係用三個字去答 interview 問題架
人地都問到你啦, 仲唔醒水, 白白浪費左個機會呀!!!當被選中的細路二號發表完偉論之後, 我地六個人出返房門外等
HR 姐姐出唻通知我地結果 : 「拿!以下我嗌名既留低做 second-in。」
(翻紙, 翻紙, 再翻紙後十秒) :「Sorry, 係冇既, 你地可以走啦..」


其實 Self - intro 之後既鴉雀無聲, 都知道 Interviewers 對我地冇興趣架啦...
係 Interviewer A 比面求其指下人問, 等大家都好過 D 者..


我的 JAL 面試記就晌呢個尷尬既場景下被收皮
唉
下次講埋我 HKE 同 Emirates 既 First-in 經過啦, 都係灰爆經歷
(雖然我都唔知 Emirates Interview 有咩好講, 因為我一粒音都冇出過.................)