空服面試準備 – 綜合篇

多謝大家既支持, 自「投考空服血淚史」面世之後, 收到好多師兄師姐既祝福同鼓勵!! 呢度再一次向大家道謝, 希望所有有 FA 夢既你地都可以 Dream come true!!期待晌不久既將來可以於 hkdiscuss 見到屬於你地既分享~!!

另外同時亦收到好多好多朋友既 pm, 我希望我可以盡量晌度一次過答晒你地!!有時讀返你地 send 比我既故事, 我更覺得自己既故事不值一提, 睇到大家既分享真係好佩服你地呀!! Salute!!

有人考左各大航空公司十幾次, 亦有師兄師姐為左做FA, 先去做地勤拎經驗 (呢度容我引用友人 fb 對地勤既 comment: 啟德最後的日子，渣甸國泰地勤人工大約12-13K ，保證2400收工。依家HAS，廚叉，渣甸，國泰………人工又係13-14K，返工最早0400，收工最遲0200。機場唔夠人手，流失率高，定係刻薄成性當人奴隸，數字講晒一切), 你地為左追夢既犧牲一定唔會白費!! 你地一定會做到架!!
--------------------------------

『薛倩兒又提醒應徵者面試時要表現自信：「很多應徵者因緊張令表現失準，入錯房，聽不到面試官指示等『蝦碌』事常有！」她冀聘得對服務有熱誠的人：「問為何想做空姐，很多人答『制服靚』、『劇集感染』，不是不可以，但要表現出對行業了解，很多時劇集資料並非全面！」』

答問題技巧: 其實我真係冇咩技巧, 但如果你地問我意見, 我會選擇用最真誠最個人既答法, 因為我知道 Interviewers 已經聽太多 Standard 既答案。當然真誠之外你當然要 elaborate 得好好, 當然有人會話: 「CX 請你地返唻唔係追夢同環遊世界架!」 It just depends on how you tell a story.

例如: Why do you want to be a Flight Attendant?

我真係直接答: 我想環遊世界, 因為我廿六年人未去過亞洲以外既地方, What is London Eye? What is Eiffel Tower? 我全部都只係睇過相同 Video, 我好想好想去親眼睇, 我想同 Eiffel Tower 影一張有我在內既照片。我爺爺係做水手, 佢當年願意用二十年時間去環遊世界, 佢既得著係無人可比, 而當我聽返佢晌世界各地既奇遇時我覺得好 amazing, 我好想跟佢既步伐多睇呢個世界。我相信冇幾多份工作可以比人 combine business and pleasure, 我絕對可以 foreseen 到呢份工可以帶比我既快樂同眼界。

以上呢條問題, 可能有人會答: 「我覺得幫到人好開心。」唔係唔得, 但你同我都知道除左 FA 之外仲有好多份工可以幫人, 所以你一定要諗清楚你最心底想做 FA 既原因, 動之以情的話不坊大方同 Interviewers 分享, 話唔定會令到 Interviewers 覺得好 Impressive 同好特別呢。

例如: What is a Flight Attendant?

-          a trained safety officer

-          a caring team player

-          an ambassador for Hong Kong

係咪覺得以上既答案好熟呢, 係!! 以上係 CX 網頁對 Flight Attendant 既 descriptions, 我相信以上既答案 Interviewers 已經聽過超過一千次, 所以千其唔好盲背答案, 用你自己既理解去回答,  Interviewers 肯定會覺得更有興趣。

我: Flight Attendant 集多種功能於一身, 平時我地的確係一位派餐員; 但如果機艙起火, 我地就係消防員; 如果有人暈左, 我地就係救護員...等等

當然大家要再修飾你地既答案。要比 Interviewers 知道你地係有消化過同埋真係對 FA 行業有充分既了解。

眼神: Final in 時一定要有 Eye Contact, 就算你見到 Interviewers 一路寫緊野都要望住佢。Present 時你地要留意望人既時候要注視, 唔好死魚眼, 眼神唔好閃縮, 唔好一閃而過既掃視, 最好係每 Group 人都作適當既眼神停留。

Body Language: 切忌誇張既 Body Language, 但又唔好硬晒呔。適當既 Body Language 係絕對可以 show 到你地既自信。總之自然既手部動作就得!!

英文: 都係個句, accent / vocab 並唔重要, 最緊要係流暢度同唔好有太多既 grammatical mistakes, 只要簡單既英文 Structure 就得。千其唔好有太多 uncertain words, e.g.: ummmmmm, errrrrrrr. 諗唔到講咩既時候寧願作適當既停頓, 都唔好無止境地 ummmmmmm..

聲線適中, 速度適中, 同埋最緊要咬字清晰!!

語氣: 其實 Final In 對於 Interviewers 唻講可以好悶, 每人都係背同一堆答案, 梳一個髮型, 著同一套 uniform。因此適當既玩笑可以令個氣氛輕鬆 D 亦可以 Catch 到 Interviewers 既興趣, 謹記無傷大雅就得!! e.g: 我 Final in 時 Tonx 問我點練英文, 我答: 「我男朋友係新加坡人, 原本我地係用普通話溝通, 但自從為左 prepare 去 in FA, 我地已經 switch 左 channel 去英文, even 我地連嗌交都冇偷懶, 繼續用英文架!!」聽到呢度, Tonx 偷偷暗笑..再問:「咁即係你覺得識用英文嗌交就叫識講英文架啦?」

其實唔算係玩笑啦, 因為我過去三個月的確係咁練英文。但輕鬆既表達方式, 可以引起 Interviewers 既興趣, 繼續問落去; 亦可以令到個氣氛變輕鬆; 從你既表達方式當中, Interviewers 都可以了解到你係一個咩人 e.g.: 活潑? Dull? 死板?

仲有, 答題時千其唔好一輪咀答一大篇, 只答重點同對題。我明白你地會好心急表達你地既過去同有幾想做 FA, 但由咸豐年代講起只會愈扯愈遠, 記得適可而止, 有朋友 final in 時, interviewer 聽到打喊露.......................。但你地自己執生啦, 如果你已經答完重點, 又見到 Interviewers 晌度埋頭寫 comments, 為避免死空氣繼續漫延, 你先再開口講多少少野。

笑容: 笑容就係硬道理, 記得無時無刻都要笑, 笑容真係要練, 記得要對鏡練習!!要笑得自然, 要人一望你就覺得你好正能量, 好開朗 同 好有禮貌個種笑。

態度: 一定一定一定要 humble, 同有禮貌, 無時無刻都要點頭加微笑, 討論時唔好太 aggressive, 表現到你地 helpful 同 teamwork 既一面就可以。如有組員能力不足, 不坊幫佢地一把。由其 Second In 時, teamwork 真係好重要, interviewers observe 緊架!!

以上既答法純粹我個人意見, 同埋我於 Interview 時既答案同答法, 大家當作參考, 總之一定要有自信如果以上有解答唔晒既唔怕 pm 問我, 記得 / 知道我一定一定會覆你地!!

期待與你們一起起飛!! I can fly~~ I can fly~~