空服面試準備 – 儀容篇

【幾乎所有應徵者均穿黑、白商務套裝，薛倩兒稱，雖打扮端裝，但太刻板：「不用刻意仿照員工打扮，例如襯衫不妨穿黑、白以外顏色，看起來更有精神！」】(HKET, 2014)

完全同意以上說法, 我都覺得自己如果同其他人著一套 uniform 去見工反而會被比下去。所以我選擇穿著最令自己舒服既衣著, 化一個淡妝, 紮條馬尾就去面試。將自己最自然既一面 show 比 interviewers 睇。

雖然我強調要有個人 style, 但一個乾淨自然同 eye catching 既外表係唔小得既!! 總之兩個字: 企理!! (最神奇係有個男仔由First In 到簽約日都係著帆布鞋!!佢外表同打扮的確係好outstanding, 而且直入決賽!! 但我都係建議大家謹慎 D, 著返 business suit 吧啦..)

頭髮: 因為覺得自己塊面好圓, 唔太適合紮計, 所以我堅持只紮一條馬尾, 起碼自己睇自己都順眼, 同埋我真係 handle 唔到個個法式計。乾淨整齊就已經好足夠, 記得要落 gel / hair spray 定型, 唔好彈晒 D 天線同 baby hair 出唻, 貼貼服服就唔洗驚啦~ 如果要落髮夾, 大家可以落夾前先用 spray 噴一噴 D 髮夾, 咁夾上頭既時候就會好實亦唔容易滑下。

化妝: 一定要化妝!!!!! 唔識化都要化!! 其實我都唔太識化妝, 所以直接剷落連卡佛NARS 向櫃檯姐姐求救 (當然我係有幫佢買 $1800 野啦.. .. ..), 我當日化普通全妝, 嘴巴同兩腮唔怕紅小小, 但小小就夠啦下!! 

全妝定義: 底霜, 遮瑕, 粉底, 乾粉, 腮紅, 畫眉, 眼線, 眼影, 唇膏, 唇彩

有近視既朋友, 一定一定要用 con, 一對炯炯有神既雙眼係絕對唔可以比副厚重既眼鏡遮擋!! 我當日係用大眼仔, 因為望落個樣可憐 D 無辜 D.. (嘔….講笑者) 其實係因為我瞳孔太細, 眼睛亦冇神, 所以大眼仔對我唻講係好似義肢咁, 不可缺少!!

衣著: 因為我清楚知道自己既身型比例唔岩著 suit, 所以我都冇著 standard 既suit 見工 look。我選擇左一件 G2000 business wear 黑色背心連身裙, 外加一件 H&M 深藍色西裝褸。手袋係黑色短柄 Longchamp。